विराटनगर । विराटनगरको कोशी अस्पताल कोभिड–१९ उपचार केन्द्रमा आज एक जना कोरोना संक्रमित महिलाको मृत्यु भएको छ । उपचारका क्रममा बिहान करिब ११ बजे सिराहाको लाहान घर भई विराटनगर–१० बस्दै आएकी ६५ वर्षीया महिलाको मृत्यु भएका अस्पतालले जनाएको छ ।
Advertisement
दमरोगीसमेत रहेकी उनमा हिजो कोरोना संक्रमण पुष्टि भएको थियो । कोरोना संक्रमण देखिएपछि अस्पताल भर्ना गरिएकी उनलाई स्वास्थ्यमा समस्या देखिएपछि भेन्टिलेटरमा राखेर उपचार गर्ने क्रममा मृत्यु भएको हो ।
यसैवीच आजै धरानस्थित बीपी कोईराला स्वास्थ्य बिज्ञान प्रतिष्ठानमा मोरङको बेलबारी र झापाको दमकका एक÷एक जना कोरोना संक्रमितको मृत्यु भएको थियो ।
