झापा । झापाको दमकमा करेन्ट लागेर गएराती एक जनाको मृत्यु भएको छ । करेन्ट लगाएर माछा मार्ने क्रममा आफैलाई करेन्ट लाग्दा ईलामको साक्फारा घर भई दमक–१ मा डेरा गरेर बस्दै आएका २८ बर्षीय रोशन तामाङको मृत्यु भएको हो ।
राती करिब ९ बजे घर नजिकै खेतमा करेन्ट लगाएर माछा मार्ने क्रममा उनलाई करेन्ट लागेको थियो । करेन्ट लागेर घाइते भएका तामाङलाई उपचारका लागि दमकस्थित एडभान्स अस्पताल लगिएको थियो ।
उपचारकै क्रममा राती करिब १० बजे उनको मृत्यु भएको ईलाका प्रहरी कार्यालय दमकले जनाएको छ ।