मोरङ । मोरङको पथरी शनिश्चरेमा माछा मार्ने क्रममा खोलामा डुबेर एक जनाको मृत्यु भएको छ । स्थानीय डाँस खोलामा माछा मार्ने क्रममा डुब्दा पथरीशनिश्चरे–१० का ६३ बर्षीय डम्बरसिंह राईको मृत्यु भएको हो ।
आईतवार साँझ सवा ६ बजे माछा मार्ने क्रममा खोलामा डुब्दा राईको मृत्यु भएको ईलाका प्रहरी कार्यालय पथरीले जनाएको छ । घटनाको जानकारी पाएपछि ईलाका प्रहरी कार्यालय पथरीबाट प्रहरी टोली घटनास्थल गएको थियो ।