झापा । झापाको भद्रपुर नगरपालिका–२ स्थित पोखरीमा तीन जना बालकको शव फेला परेको छ । पृथ्वीनगरस्थित कमलधाप पर्यटन तथा सिमसार क्षेत्र निर्माणस्थलमा खनिएको पोखरीमा डुबेको अवस्थामा एकै परिवारका दुईसहित तीन जना बालक मृत फेला परेका हुन् ।
भद्रपुर–२ का १० बर्षीय अंकुश तामाङ, १४ बर्षका अर्जुन थामी र १२ बर्षका करण थामी पोखरीमा मृत फेला परेको जिल्ला प्रहरी कार्यालय झापाले जनाएको छ । मृतक करण र अर्जुन दाजु–भाई हुन् ।
Advertisement
प्रहरीका अनुसार घरमा कसैलाई नसोधी उनीहरु बुधबार दिउँसो पोखरीमा गएका थिए । अबेरसम्म पनि घर नफर्किएपछि खोजी गर्ने क्रममा बुधबार साँझ ७ बजे अंकुशको शव पोखरीमा फेला परेको हो । यता, करण र अर्जुनको शव भने बिहिबार बिहान मात्र पोखरीमा भेटिएको थियो ।
घटनाको बिषयमा अनुसन्धान भईरहेको प्रहरीले जनाएको छ ।
