इटहरी । पत्रकारलाई नाकको हड्डी भाच्ने धम्की दिएपछि आलोचित भएका इटहरी उपमहानगरपालिकाका मेयर द्वारिकालाल चौधरीले अन्तत: माफी मागेका छन् ।
Advertisement
सो अभिव्यक्तिले प्रेस जगतलाई आघात पर्न गएको भन्दै उनले आज प्रेस बिज्ञप्ती जारी गरेर आत्मआलोचना गरेका हुन् ।
मेयर चौधरीले आफ्नो पत्रकार सञ्चार जगतप्रति चोट पुर्याउने कुनै मनसाय नरहेको समेत स्पष्ट पारेका छन् । उनले इटहरी उपमहानगरपालिकासमेत प्रेस स्वतन्त्रताप्रति प्रतिबद्ध रहेको जनाएका छन् ।
केही दिनअघि मेयर चौधरीले पत्रकार विराट अनुपमलाई टेलिफोनबाट धम्की दिएका थिए ।
