धनकुटा। धनकुटाको शहीदभूमी गाउँपालिकाबाट प्रहरीले ८ किलो गाँजा बरामद गरेको छ । सहीदभूमी–२ अखुवाटार जंगलबाट प्रहरीले मंगलबार अपरान्ह गाँजा बरामद गरेको हो ।
अपरान्ह ४ बजे स्थानीय जंगलमा रहेको बाँसको झ्याङमा प्लाष्टिकको बोरामा सेउलाले छोपेर राखिएको अवस्थामा गाँजा फेला परेको प्रहरीले जनाएको छ ।
बरामद गाँजा जिल्ला प्रहरी कार्यालय धनकुटामा ल्याईएको छ । गाँजा कसले राखेको भन्ने बिषयमा अनुसन्धान भईरहेको प्रहरीले जनाएको छ ।