Advertisement
संखुवासभा, ३ माघ । संखुवासभाको सिलिचोङ गाउँपालिका–३ लुम्ङदियाबाट मृगको छालासहित एक जनालाई प्रहरीले पक्राउ गरेको छ । विशेष सुचनाको आधारमा प्रहरी चौकी ताम्कुबाट खटिएको प्रहरी टोलीले स्थानीय उत्तम कुमार राईको घरमा खान तलासी गर्ने क्रममा मृगको छाला फेला परेको हो ।
घरको पूर्वपट्टी टिनको छाप्रोमा लुकाएर राखिएको अवस्थामा एक थान मृगको छाला बरामद भएको प्रहरीले जनाएको छ । मृगको छाला बरामद भएपछि प्रहरीले घर धनी राईलाई पक्राउ गरेको हो । घटनाको बिषयमा डिभिजन वन कार्यालय खाँदवारीले अनुसन्धान थालेको छ ।
