धनकुटा, २४ बैशाख । धनकुटाको बेलहाराका पूर्व गाबिस उपाध्यक्ष एवं समाजसेवी हरीबहादुर राईको आज निधन भएको छ ।
Advertisement
पक्षघातबाट पीडित ५२ बर्षीय राईको आज साँझ निधन भएको परिवार स्रोतले जनाएको छ ।
धनकुटा नगरपालिका–९ बेलहाराडाँडा थानीचौक स्थित आफ्नै घरमा राईको निधन भएको उनका भतिज हेमचन्द्र किराँतीले बताएका छन् ।
उनी यसअघिको स्थानीय निकाय निर्वाचनमा साविकको वेलहारा गाबिसको पूर्व गाबिस उपाध्यक्ष थिए ।
त्यस्तै गुठिटार–ईटहरी चौक–बागखोर–थानी सडक उपभोक्ता समितिको अध्यक्षसमेत रहेका राई सामाजिक ब्याक्तिको रुपमा स्थापित रहेको वडासचिव मात्रिका तिवारीले जानकारी दिएका छन् ।
