धनकुटा, १६ बैशाख । धनकुटाको साँगुरीगढी गाउँपालिका–३ कुसेटारबाट आज अपरान्ह एक बालक तमोर नदीमा बगेर बेपत्ता भएका छन् ।
चौबिसे गाउँपालिका–६ का १४ बर्षीय रामकुमार राईलाई पौडी खेल्ने क्रममा तमोर नदीले बगाएर बेपत्ता बनाएको प्रहरीले जनाएको छ ।
साथीहरुसँग नदीमा पैडी खेल्न गएका वेला अपरान्ह साँढे चार बजे राईलाई तमोर नदीले बगाएको धनकुटाका प्रहरी प्रवक्ता गौतम मिश्रले संगालोखबरलाई जानकारी दिएका छन् ।
उनका अनुसार घटनाको जानकारी पाएपछि मुलघाटबाट प्रहरी टोली घटनास्थल गएको छ । उक्त स्थान मुलघाट प्रहरी चौकीबाट करिव ८ किलोमिटर उत्तरपूर्वमा पर्छ ।