धनकुटा, १९ पुस । धनकुटामा बन्द अवज्ञा गरेको भन्दै आज एउटा सरकारी गाडी तोडफोड गरिएको छ । कोशी राजमार्गको धरान–धनकुटा सडक खण्ड स्थित धनकुटाको आत्मारा ढाटमा को.१ झ ४८३ नम्बरको सरकारी गाडी तोडफोड गरिएको हो ।
बन्द उल्लंघन गरेकाले बन्दकर्ताले मोरङ जिल्ला कारागारको उक्त गाडीको लुकिङ ग्लास लगायत तोडफोड गरेको आन्दोलन परिचालन समिति संयोजक सुन्दरवावु श्रेष्ठले संगालोखबरलाई जानकारी दिएका छन् ।
Advertisement
सरकारले अस्थायी प्रादेशिक राजधानीको खाकामा प्रदेश नम्बर १ को राजधानी बिराटनगर उल्लेख गरेपछि धनकुटाबासीले बिरोध जनाउँदै आजबाट अनिश्चितकालिन आमहड्ताल आवहन गरेका हुन् ।
बन्दकर्ताले धनकुटामा कुनैपनि सवारी साधन सञ्चालन हुँन दिएका छैनन् । बजारपसल, उद्योगधन्दा लगायत पनि ठप्प हुँदा जनजीवन प्रभावित भएको छ ।
यो पनि पढ्नुहोस् …
