धनकुटा, १ पुस । धनकुटाको महालक्ष्मी नगरपालिका–७ जीतपुरमा शनिवार एउटा घर जलेर नष्ट हुँदा करिव नौ लाख वरावरको क्षति भएको छ । आगोले धरमपानी (लहरेवर) टोलका भुवन पराजुलीको घर जलेर नष्ट भएको हो ।
आगलागीबाट घरसँगै लत्ताकपडा, अन्न लगायत जलेर नष्ट हुँदा अाठ लाख ७५ हजार बरावरको क्षति भएको जिल्ला प्रहरी कार्यालय धनकुटाले जनाएको छ ।
Advertisement
घर नजिकै झ्यास डढाउँने क्रममा अपरान्ह करिव ४ बजेबाट घरमा आगो सल्किएको थियो ।
स्थानीयबासी र जीतपुर प्रहरी चौकीबाट गएको प्रहरी टोलीले करिव दुई घण्टा पछि साँझ ६ बजे आगो नियन्त्रणमा लिएका छन् । आगलागीबाट घरसँगै सवै सामान जलेर नष्ट भएकाले बिचल्ली भएको पीडित परिवारले जनाएको छ ।
यसअघि प्रकाशित समाचार पनि हेर्नुहोस् …
