विराटनगरमा साइकल दुर्घटना हुँदा एक जनाको मृत्यु

विराटनगर । विराटनगर-१४ आईसीपी रोडको भित्री पक्की सडकखण्डमा साइकल दुर्घटना हुँदा एक जनाको मृत्यु भएको छ । दुर्घटनामा मोरङको जहदा गाउँपालिका-३ का ४१ वर्षीय रूपेशकुमार राजवंशीको मृत्यु भएको हो ।

आइतबार साँझ आफैँ अनियन्त्रित भएर विराटनगर १ ह १२३४ नम्बरको सिटी सफारीको पछाडि ठोक्किएको प्रहरीले जनाएको छ ।

Advertisement

दुर्घटनामा टाउकोमा गम्भीर चोट लागेका राजवंशीलाई उपचारका लागि कोशी अस्पताल विराटनगर लगिएकोमा चिकित्सकले मृत घोषणा गरेका थिए ।

सिटी सफारीका चालक २५ वर्षीय मोहम्मद जाहागिरलाई नियन्त्रणमा लिएर प्रहरीले थप अनुसन्धान गरिरहेको छ ।