धनकुटाबाट बिर्तामोड जाँदै गरेको इभी गाडीमा गाँजा, चालक पक्राउ

धनकुटा । धनकुटाको साँगुरीगढी गाउँपालिका-६ भेडेटारबाट १० किलो गाँजासहित इभी गाडी र चालकलाई प्रहरीले नियन्त्रणमा लिएको छ । पक्राउ पर्नेमा धनकुटा नगरपालिका-९ बेलहराका २० वर्षीय बालकृष्ण मगर छन् ।

आज बिहान करिब ७ बजे चेकजाँचका क्रममा धनकुटाबाट बिर्तामोडतर्फ जाँदै गरेको प्र १-०२-००१ ज ४५२७ नम्बरको इभी गाडीमा गाँजा फेला परेको हो ।

धनकुटा प्रहरीका प्रवक्ता डीएसपी ओमप्रकाश खनालका अनुसार इभी गाडीको सिटमुनि जेब्रा झोलामा लुकाएर राखेको अवस्थामा गाँजा फेला परेको थियो । गाँजा कसको हो भनेर खुल्न बाँकी रहेको उनले बताए ।

गाँजासहित इभी गाडी र चालक मगरलाई थप अनुसन्धानका लागी जिल्ला प्रहरी कार्यालय धनकुटामा राखिएको छ ।