मोरङमा बिहानैदेखि राष्ट्रिय परिचयपत्र वितरण

विराटनगर । जिल्ला प्रशासन कार्यालय मोरङले बिहानै देखि राष्ट्रिय परिचयपत्र वितरण सुरु गरेको छ । सेवाग्राहीको भिड बढेपछि बिहान ७ बजेदेखि राष्ट्रिय परिचयपत्र वितरण सुरु गरेको हो ।

राष्ट्रिय परिचयपत्र बनाउने सेवाग्राहीको चाप बढेपछि उनीहरूको सहजताका लागि बिहान ७ बजेदेखि नै कार्यालय खुला गर्न थालिएको मोरङका प्रमुख जिल्ला अधिकारी इन्द्रदेव यादवले जानकारी दिए ।

एनका अनुसार अहिले बिहान ७ बजेबाट बेलुका ५ बजेसम्म सेवा प्रवाह भइरहेको छ । अर्को सूचना जारी नभएसम्म बिहानैदेखि सेवा प्रवाह हुने उनको भनाइ छ ।

परिचयपत्र बनाउनका लागि फोटो खिच्न र विवरण रुजु गर्नका लागि बिहान चार जना कर्मचारी खटिएका उनको भनाइ छ । बिहानै देखि कार्यालयमा सेवा प्रवाह हुँदा सेवाग्राहीलाई सहज भएको उनले बताए ।