संगालोखबर 
धनकुटा । धनकुटाबाट दुई जना फरार प्रतिवादी पक्राउ परेका छन् । इलाका प्रहरी कार्यालय राजारानी र इलाका प्रहरी कार्यालय भेडेटारबाट खटिएको प्रहरी टोलीले उनीहरूलाई पक्राउ गरेको हो ।
जिल्ला अदालत धनकुटाबाट एक वर्ष छ महिना कैद र २० हजार जरिवाना सजाय सुनाइएका ज्यान मार्ने उद्योगका फरार प्रतिवादी साँगुरीगढी गाउँपालिका-१० धारापानी का ४५ वर्षीय प्रकाश राई पक्राउ परेका हुन् ।
Advertisement
यस्तै हातहतियार खरखजाना मुद्दामा पाँच महिना कैद र पाँच हजार जरिवाना तोकिएर फरार रहेका साँगुरीगढी गाउँपालिका-३ इम्लीखा का ५४ वर्षीय महिन्द्र कुमार याख्खालाई पक्राउ गरिएको धनकुटा प्रहरीका निमित्त प्रवक्ता प्रहरी निरीक्षक धुव्र नारायण श्रेष्ठले जानकारी दिए ।
उनीहरूलाई सजाय भुक्तानका लागि अदालतमार्फत जिल्ला कारागार धनकुटा चलान गरिएको श्रेष्ठले बताए ।
