सुनसरीको बराहक्षेत्रमा करेन्ट लागेर १८ महिने बालकको मृत्यु

विराटनगर । सुनसरीको बराहक्षेत्र नगरपालिका-१० मंगलबारेमा करेन्ट लागेर बालकको मृत्यु भएको छ । प्रहरीका अनुसार उमेश राईको १८ महिने छोरा उपदेशको मृत्यु भएको हो ।

बिहीबार दिउँसो छिमेकीको घरमा खेल्ने क्रममा बालकलाई मोबाइल चार्ज गर्ने बोर्डबाट करेन्ट लागेको थियो । करेन्ट लागेर घाइते भएका बालकलाई उपचारका लागि तत्कालै धरानस्थित बीपी कोइराला स्वास्थ्य विज्ञान प्रतिष्ठान घोपा लगिएको थियो ।

Advertisement

उनको उपचारका क्रममा मृत्यु भएको प्रहरीले जनाएको छ । घटनाका सम्बन्धमा प्रहरीले थप अनुसन्धान गरिरहेको छ ।