धनकुटामा सशस्त्रलाई छलेर भागेको कारबाट गाँजा बरामद

विराटनगर । धनकुटाको साँगुरीगढी गाउँपालिका-६ बाट सशस्त्र प्रहरी बलले गाँजासहित कार नियन्त्रणमा लिएको छ । आज बिहान धरानतर्फ आउँदै गरेको कारबाट गाँजा बरामद गरिएको सशस्त्र प्रहरीले जनाएको छ ।

सशस्त्र प्रहरी बल नम्बर ६ गुल्म धनकुटा मातहतको नेपाल विपद् व्यवस्थापन वेश मुलघाटबाट खटिएको टोलीले शङ्का लागेर को २ प १७३४ नम्बरको कारलाई रोक्न खोजेको थियो ।

तर नरोकी भागेको कार दुर्घटनाग्रस्त अवस्थामा फेला पारेर चेकजाँच गर्दा गाँजा भेटिएको मुलघाट सशस्त्रका इन्स्पेक्टर जितेन्द्र बस्नेतले संगालोखबरलाई जानकारी दिए ।

कारभित्र चार सय २१ किलो गाँजा भेटिएको उनको भनाइ छ । फरार रहेका कार चालकको खोजी भइरहेको उनले जानकारी दिए । कार र गाँजा जिल्ला प्रहरी कार्यालय धनकुटामा बुझाउने तयारी भइरहेको इन्स्पेक्टर बस्नेतले जानकारी दिए ।