संगालोखबर 
धनकुटा । १७ औं संस्करणको सहिद भीमनारायण गोल्डकपको उपाधिका लागि उदयपुरको गाइघाट फुटबल क्लब र नमोबुद्ध क्लब सप्तरी आमनेसामने हुँदैछन् ।
धनकुटाको तल्लो टुँडिखेलमा आज दिउँसो हुने फाइनल खेलमा दुबै टोली उपाधि जित्ने लक्ष्यसहित मैदानमा उत्रने छन् ।
Advertisement
गाइघाटले सशस्त्र प्रहरीको एपीएफ फुटबल क्लबलाई २-१ गोल अन्तरले पराजित गर्दै फाइनलमा स्थान बनाएको हो भने बिर्तामोड युनाइटेडलाई ३-१ गोल अन्तरले पराजित गर्दै नमोबुद्ध फाइनल भिडन्तमा प्रवेश गरेको हो ।
प्रतियोगिताको विजेता टिमले पाँच लाख रुपैयाँ र उपविजेताले दुई लाख ५० हजार रुपैयाँ नगदसहित ट्रफी, मेडल र प्रमाणपत्र प्राप्त गर्नेछन् ।
यस्तै, सबैभन्दा बढी गोल गर्ने खेलाडी, म्यान अफ द म्याच तथा उत्कृष्ट खेलाडी लाई पनि नगद पुरस्कार प्रदान गरिने आयोजकले जनाएको छ । खेलको प्रत्यक्ष प्रसारण संगालोखबरबाट हेर्न सक्नुहुनेछ ।
