हराएको आईफोन र नगद फेला पारि मोरङ प्रहरीले सम्बन्धित व्यक्तिलाई बुझायो

विराटनगर । मोरङ प्रहरीले हराएको बहुमूल्य सामग्री फेला पारेर सम्बन्धित धनीलाई सकुशल बुझाएको छ । विराटनगर-३ की सीता खड्काले यात्राका क्रममा छुटाएको आईफोन र नगद एक लाख फेला पारेर प्रहरीले बुझाएको हो ।

चैत १६ गते भट्टा चोकबाट शनिमन्दिर जाँदै गर्दा उनले चढेको सीटी सफारी (प्र १-२०-००३ ह ६०९०) मा झोला छुटेको थियो । हराएको सामानबारे उनले प्रहरीमा उजुरी दिएपछि अनुसन्धान अघि बढाइएको थियो । मोरङ प्रहरीले खोजी गर्दै जाँदा उक्त झोला सफारी चालकको घरमा भेटिएको हो ।

Advertisement

जिल्ला प्रहरी कार्यालय मोरङका प्रवक्ता वेदप्रकाश जोशीका अनुसार, आवश्यक प्रक्रिया पूरा गरी फेला परेको सामान सम्बन्धित व्यक्तिलाई बुझाइएको छ । साथै, यस घटनासँग सम्बन्धित थप अनुसन्धान पनि जारी रहेको प्रहरीले जनाएको छ ।