संगालोखबर 
धनकुटा । सहिद भीमनारायण गोल्डकपको १७ औं संस्करण अन्तरगत आजकाे खेलमा ब्वाइज फुटबल क्लब इटहरी र गाईघाट फुटबल क्लब उदयपुरबीच प्रतिष्पर्धा हुँदै छ । खेल अपराह्न चार बजेबाट सुरू हुनेछ ।
Advertisement
सहिद भीमनारायण स्मृति प्रतिष्ठान धनकुटाको आयोजनामा आइतबारदेखि जारी प्रतियोगितामा ‘ए’ डिभिजनसहित आठ टिमको सहभागिता छ ।
उद्घाटन खेलबाटै आयोजक सहिद भीमनारायण स्मृति धनकुटा प्रतियोगिताबाट बाहिरीएको छ । सप्तरीको नमोबुद्ध युथ क्लबसँग ३-१ गाेल अन्तरले पराजित हुँदै धनकुटा प्रतियाेगिताबाट बाहिरिएकाे हाे ।
प्रतियाेगिताकाे विजेताले पाँच लाख र उपविजेताले दुई लाख ५० हजार रुपैयाँ नगदसहित ट्रफी, मेडल र प्रमाणपत्र प्राप्त गर्नेछन् । यस्तै सबैभन्दा बढी गोल गर्ने, म्यान अफ द म्याच तथा सर्वोत्कृष्ट खेलाडीले पनि नगद पुरस्कार पाउने आयाेजकले जनाएकाे छ ।
