एमाले महानगर कमिटीद्वारा विराटनगरमा सरसफाइ

विराटनगर । नेकपा एमाले विराटनगर महानगर कमिटीले जागरण अभियान अन्तरगत आज सरसफाइ गरेको छ । विराटनगरको तीनपैनीमा भेला भएका एमाले नेता कार्यकर्ताहरूले सडकमा रहेको फोहोर उठाउँदै झाडु लगाएर सफा गरेका हुन् ।

Advertisement

नेकपा एमालेका केन्द्रीय सदस्यहरू जीवन घिमिरे, रामलाल साह, नैनकला ओझा, प्रदेश कमिटी सदस्य एवम् विराटनगर महानगरका इन्चार्ज पर्शुराम बस्नेत, जिल्ला उपाध्यक्ष सागर थापालगायतका नेताहरू सरसफाइमा सहभागि थिए । उनीहरूले तीनपैनीदेखि महानगरपालिकाको कार्यालयसम्म सरसफाइ गरेका थिए ।

अभियान अन्तरगत एमाले रचनात्मक कृयाकलापका साथ जनताको घरदैलोमा पुगिरहेको महानगर कमिटीका सचिव बलराम गिरीले बताए । चैत ११ गतेबाट सुरु भएको अभियान अन्तरगत भोलि दिउँसो १ बजे जनआन्दोलन चोकमा जागरणसभा हुने उनले जानकारी दिए ।