संगालोखबर 
धनकुटा । धनकुटाको सहिदभूमि गाउँपालिका-१ त्रिवेणी घाटबाट लागूऔषधसहित तीन जना पक्राउ परेका छन् । सहिदभूमि-१ का ३१ वर्षीय हरिन्द्र राई, ४१ वर्षीय टिकाराम राई र ३२ वर्षीय नगेन्द्र राई पक्राउ परेका हुन् ।
बिहीबार दिउँसो पोखरेतर्फ जाँदै गरेको प्रदेश नं ३-०२-०७ प २९६४ नम्बरको मोटरसाइकलमा सवार उनीहरूलाई चेकजाँचका क्रममा प्रहरीले पक्राउ गरेको हो ।
Advertisement
उनीहरूको साथबाट एक सय ५० मिलिग्राम खैरो हेरोइन बरामद गरिएको प्रहरीले जनाएको छ । उनीहरूलाई बिहीबार नै जिल्ला प्रहरी कार्यालय धनकुटामा ल्याएर थप अनुसन्धान सुरु गरिएको छ ।
