संगालोखबर 
धनकुटा । धनकुटा नगरपालिका-१० उत्तरपानीमा रहेको श्री आधारभुत विद्यालयका विद्यार्थीहरूलाई कपडा तथा खाद्यान्न वितरण गरिएको छ । नेपाल डेरी एसोसिएसन धनकुटाले आज खाद्यान्न तथा कपडा वितरण गरेको हो ।
उक्त विद्यालयमा बौद्धिक अपाङ्गता तथा सुस्त मनस्थिति भएका ३५ जना विद्यार्थीहरू अध्ययनरत छन् । समय-समयमा विभिन्न दाताहरूले विद्यालयमा सहयोग गर्दै आएका छन् ।
Advertisement
विद्यार्थीहरूलाई २० थान तन्ना, बिस्कुट, फ्रुटी लगायतका सामग्री वितरण गरिएको एसोसिएसनका अध्यक्ष राजु घिमिरेले जानकारी दिए । उपाध्यक्ष डिबी तामाङ, सचिव मकरबहादुर मगर र सदस्य मानबहादुर मगरसहितले सामग्री हस्तान्तरण गरेका थिए ।
विद्यालयमा धनकुटासहित तेह्रथुम, भोजपुर, सुनसरी, मोरङलगायत जिल्लाका ३५ जना छात्र तथा छात्रा अध्ययनरत रहेका शिक्षक हेमराज खनालले जानकारी दिए । विद्यालयमा पर्याप्त श्रोत नहुँदा समस्या हुनेगरेको प्रधानाध्यापक विनोद सुवेदीले बताए ।
