मोरङको उर्लाबारीमा किशोरको शव फेला

विराटनगर । मोरङको उर्लाबारीमा पैनीमा डुबेको अवस्थामा एक किशोरको शव फेला परेको छ । आज बिहान उर्लाबारी नगरपालिका-२ जनटोलका १७ वर्षीय सनम निरौलाको शव फेला परेको हो ।

‘छारे रोगका बिरामी रहेछन् । राति साथी र बुबासँगै सुतेको बुझियो । बिहान पाँच बजे हेर्दा मान्छे देखेनछन्’, इलाका प्रहरी कार्यालय उर्लाबारीका प्रहरी निरीक्षक राकेश यादवले संगालोखबरसँग भने, ‘रोगले भेट्दा पहिला पनि हिड्ने गरेको रहेछ । खोज्दै जाँदा घरै अगाडिको पैनीमा कपाल मात्र देखिएको अवस्थामा फेला परेको हो ।’

कानुनी प्रक्रिया पूरा गरेर शवलाई पोस्टमार्टमका लागि मङ्गलबारेस्थित मदन भण्डारी अस्पताल एवं ट्रमा सेन्टरमा लगिएको छ । घटनाका सम्बन्धमा थप अनुसन्धान भइरहेको छ ।