लागुऔषध ओसारपसार गर्ने ६ जना पक्राउ

विराटनगर । मोरङ, सुनसरी र झापाका विभिन्न स्थानबाट अवैध लागुऔषध ब्राउनसुगर र गाँजासहित ६ जनालाई प्रहरीले पक्राउ गरेको छ ।

धरान–२० बाट इटहरी उपमहानगरपालिका–१० का ४० बर्षीय रामकुमार चौधरी र इटहरी–११ का ३६ वर्षीय मोहन कार्कीलाई १२ किलो गाँजासहित पक्राउ गरिएको प्रहरीले जनाएको छ ।

यसैगरी, मोरङको केराबारी–८ बाट केराबारी–७ का १९ वर्षीय साजन लिम्बु, केराबारी–१ का २२ वर्षीय गोबिन राई, धनकुटा चौबिसे गाउँपालिका–५ का ३१ वर्षीय शक्ति लिम्बुलाई १ ग्राम ९२० मिलिग्राम ब्राउनसुगर सहित पक्राउ गरिएको छ ।

यस्तै, झापाको दमक नगरपालिका–३ बेलडागी शिविर का २७ वर्षीय बिक्रम राईलाई घरमा लुकाएर राखेको ब्राउनसुगर सहित नियन्त्रणमा लिइएको प्रहरीले जनाएको छ ।