काठमाडौं । स्थानीय तहको निर्वाचन आगामी बैशाख ३० गते हुने भएको छ । मन्त्रिपरिषद्को आज बसेको बैठकले स्थानीय तहको निर्वाचनको मिति तोकेको हो ।
Advertisement
अहिले रहेका स्थानीय तहका जनप्रतिनिधिहरुको पाँच बर्षे कार्यकाल २०७९ जेठ ५ गते सकिदैछ । गठबन्धनका केही नेताहरुले स्थानीय तहको निर्वाचन पछि धकेल्नुपर्ने तर्क गरेपछि त्यसको विरोध हुँदै आएको थियो । संविधानले नै स्थानीय तह जनप्रतिनिधिविहीन हुने कल्पना नगरेकाले समयमै निर्वाचन गर्नुपर्ने भन्दै नेकपा एमालेले माग गर्दै आएको छ ।
निर्वाचन आयोगले पनि समयमै निर्वाचन गर्न यसअघि नै सरकारलाई सिफारिस गरेको थियो । अन्ततः सरकारले हाल रहेका जनप्रतिनिधिहरुको कार्यकाल सकिनु अगावै बैशाख ३० गते नै निर्वाचन गर्ने निर्णय लिएको हो ।
