संखुवासभा । संखुवासभाको खाँदवारीबाट लागुऔषध अफिमसहित एक बृद्ध पक्राउ परेका छन् । खाँदवारी नगरपालिका–७ का ६९ बर्षीय जय चापागाईलाई प्रहरीले अफिमसहित पक्राउ गरेको हो ।
Advertisement
जिल्ला प्रहरी कार्यालय संखुवासभाबाट खटिएको प्रहरी टोलीले शुक्रबार दिउँसो करिब १२ बजे घरबाटै चापागाईलाई नियन्त्रणमा लिएको संखुवासभाका प्रहरी प्रमुख डिएसपी लालध्वज सुवेदीले जानकारी दिए । ‘बाजेले लागुऔषध बेच्ने गर्नुहुन्छ भन्ने सूचना पाएका थियौं,’ डिएसपी सुवेदीले संगालोखबरसँग भने, ‘घरमा गएर खानतलासी गर्दा लुकाएर राखिएको अवस्थामा अफिम फेला परेपछि पक्राउ गरेको हौं ।
बिशेष सुचनाका आधारमा गएको प्रहरीले घरमा खानतलासी गर्दा २०४ ग्राम अफिम फेला पारेको हो । उनी पहिले लागुऔषध प्रयोगकर्ता पनि भएको प्रहरीको प्रारम्भिक अनुसन्धानबाट देखिएको छ ।
अहिले बृद्ध अवस्थामा विरामी परेपछि आफु सेवन गर्ने भन्दा पनि अरुलाई बिक्रि वितरण गर्ने गरेको पाइएको डिएसपी सुवेदीले बताए । प्रहरीले उनको कारोवारका विषयमा अनुसन्धान गरिरहेको छ । उनीविरुद्ध कारबाही प्रकृया अघि बढाइएको प्रहरीले जनाएको छ ।
