![](https://sangalokhabar.com/wp-content/uploads/2019/03/truck-accident-bike.jpg)
मोरङ । बिराटनगर महानगरपालिका–४ कंचनबारीमा शुक्रबार साँझ मिनि ट्रकको ठक्करबाट स्कुटर चालकको मृत्यु भएको छ । ट्रकको ठक्करबाट सुनसरीको दुहबी–१२ का ५२ बर्षीय रामफल माझीको मृत्यु भएको हो ।
बेलुका सवा ६ बजे कंचनबारीमा को १ क २८७८ नम्बरको मिनि ट्रकले को ३१ प २३ नम्बरको स्कुटरलाई ठक्कर दिदा स्कुटर चालक माझी गम्भीर घाइते भएका थिए । उपचारका लागि नोबेल अस्पताल लगिएका उनको बेलुका साढे ६ बजे मृत्यु भएको जिल्ला प्रहरी कार्यालय मोरङले जनाएको छ ।
घटनापछि ठक्कर दिने ट्रक र चालक मोरङको बुढीगंगाका ३८ बर्षीय प्रेम न्यौपानेलाई प्रहरीले नियन्त्रणमा लिएको छ ।