विराटनगर । विगत २४ घण्टाको अवधिमा प्रदेश १ मा ३८३ जनामा कोरोना संक्रमण देखिएको छ । १ हजार २३० जनाको पीसीआर परीक्षण गर्दा २८० र ६८८ जनाको एन्टिजेन परीक्षण गर्दा १०३ जनामा कोरोना संक्रमण देखिएको सामाजिक विकास मन्त्रालयले जनाएको छ । मन्त्रालयका अनुसार पीसीआर परीक्षणका आधारमा मोरङमा ११९, झापामा ७७, सुनसरीमा ६६, इलाममा ५, धनकुटामा ३, उदयपुरमा २ र प्रदेश १ बाहिरका ८ जनामा संक्रमण देखिएको हो ।
Advertisement
मोरङको विराटनगरमा ४५, सुन्दरहरैचामा २४, पथरीशनिश्चरेमा १९, बुढीगंगामा ९, केराबारीमा ४, रंगेलीमा ३, धनपालथान, कटहरी, ग्रामथान, उर्लाबारी, सुनबर्षी र बेलबारीमा २/२, रतुवामाई, लेटाङ र कानेपोखरीमा १/१ जना संक्रमित भएका छन् । त्यस्तै झापाको दमकमा २४, शिवसताक्षीमा ११, मेचीनगर र भद्रपुरमा ८/८, विर्तामोडमा ७, अर्जुनधारामा ६, बुद्धशान्ति र हल्दिबारीमा ३/३, कमल गाउँपालिका र बाहृदशीमा २/२, गौरादह, कनकाई र झापा गाउँपालिकामा १/१, सुनसरीको इटहरीमा ३२, धरानमा १५, बराहक्षेत्र र इनरुवामा ५/५, रामधुनीमा ४, दुहवी र स्थानीय तह नखुलेका २/२, देवानगञ्जमा १ जनामा संक्रमण देखिएको हो ।
यता, इलामको इलाम नगरपालिकामा ४ र सुर्योदयमा १, धनकुटाको धनकुटा नगरपालिकामा २ र महालक्ष्मीमा १, उदयपुरको चौदण्डीगढी र उदयपुरगढीमा १/१ र प्रदेश १ बाहिरका ८ जनामा संक्रमण पुष्टि भएको छ ।
प्रदेश १ मा आज ४४७ जना कोरोना संक्रमणमुक्त भएका छन् । संक्रमणमुक्त हुनेमा २३१ महिला र २१६ पुरुष छन् । पछिल्लो २४ घण्टामा कोरोना संक्रमणबाट १ जना पुरुषको मृत्यु भएको मन्त्रालयले जनाएको छ ।
