विराटनगर । प्रदेश–१ को मुख्यमन्त्रीमा एमाले सचिव भीम आचार्य नियुक्त भएका छन् । शेरधन राईले मुख्यमन्त्रीबाट राजीनामा दिएपछि आर्चाय मुख्यमन्त्रीमा नियुक्त भएका हुन् ।
उनले पद तथा गोपनियताको सपथग्रहण गरेका छन् । प्रदेश प्रमुख सोमनाथ अधिकारी प्यासीले प्रदेश प्रमुखको कार्यालयमा आचार्यलाई सपथग्रहण गराएका हुन् ।
आचार्यलाई मुख्यमन्त्री बनाउन आजै बसेको संसदीय दलको बैठकले दलको नेता चयन गरेको थियो । आचार्य यसअघि माधव नेपाल समूहमा थिए । नेपालले पार्टी फुटाए नेकपा (एकीकृत समाजवादी) दर्ता गरेपछि आचार्यले नेपालको साथ छोडेर एमालेमै बसेका हुन् ।