पाँचथर । पाँचथरको फिदिम नगरपालिका–४ सगरखण्डेमा आज बस दुर्घटना हुँदा दुई जनाको मृत्यु भएको छ । ६३ जना घाइते भएका छन् ।
Advertisement
पाँचथरबाट झापा जाँदै गरेको को १ ख ३८६५ नम्बरको बस बिहान करिब ११ बजे दुर्घटना भएको हो । दुर्घटनामा परी घाइते भई उपचारका लागि समर्पित अस्पताल पुर्याइएका एक वालक र एक महिलाको मृत्यु भएको प्रहरीले जनाएको छ । उनीहरुको पहिचान खुल्न वाँकी छ ।
६३ मध्ये १५ भन्दा बढी घाइतेको अवस्था गम्भीर छ । घाइतेहरुलाई पाँचथर अस्पताल, पाथिभरा तथा समर्पित अस्पताल लगिएको छ । गम्भीर घाइतेहरुलाई झापा र विराटनगरका अस्पतालमा पठाइएको छ । प्रहरीका अनुसार ४४ सिट क्षमताको उक्त बसमा ६५ यात्रु सवार थिए ।
