धनकुटा । धनकुटाको पाख्रीवासमा बुधबार बिहान गुडिरहेको बसबाट खस्दा सहचालकको मृत्यु भएको छ । भोजपुरबाट धरानतर्फ जाँदै गरेको बा.२ ख ५८४० नम्बरको बसबाट खसेर सोही बसका सह–चालक भोजपुर नगरपालिका–११ आम्तोकका १७ बर्षीय धनबहादुर पाठकको मृत्यु भएको हो ।
Advertisement
बिहान करिब १० बजे पाख्रीवास–४ रिनटिन डाँडामा गुडिरहेको बसको ढोकाबाट खस्दा सह–चालक पाठक गम्भीर घाइते भएका थिए । उपचारका लागि जिल्ला अस्पताल धनकुटा ल्याउँदै गर्दा बाटैमा उनको मृत्यु भएको धनकुटाका प्रहरी प्रवक्ता डिएसपी दिपक कुमार रायले संगालोखबरलाई जानकारी दिए ।
मृतकको शवलाई पोष्टमार्टमका लागि जिल्ला अस्पतालमै राखिएको छ । घटनापछि बस र चालक भोजपुरको अरुण गाउँपालिका–७ का ३५ बर्षीय दुर्गाबहादुर श्रेष्ठलाई प्रहरीले नियन्त्रणमा लिएको छ ।
