कांग्रेस प्रदेश १ को सभापतिमा थापा निर्वाचित, २ मतान्तरले घिमिरे पराजित

विराटनगर । नेपाली कांग्रेस प्रदेश नम्बर १ को सभापतिमा पूर्वमहामन्त्री कृष्णप्रसाद सिटौला पक्षका उद्धव थापा विजयी भएका छन् । गएराती सम्पन्न मतगणना अनुसार ८४४ मतसहित थापा सभापतिमा निर्वाचित भएका हुन् ।

उनले प्रतिद्धन्द्धी गुरुराज घिमिरेलाई २ मतान्तरले पराजित गरेका छन् । संस्थापन इतर पक्षका घिमिरेले ८४२ मत पाएका छन् । सिटौला पक्षका नेता थापालाई सभापति शेरबहादुर देउवा पक्षले पनि समर्थन गरेको थियो ।

सभापतिसहित अधिकांश पदमा देउवा–सिटौला पक्षले नै जित हासिल गरेको छ । उपसभापतिमा रमेशजंग रायमाझी र टंकप्रसाद राई विजयी भएका छन् । महामन्त्रीमा भूपेन्द्र राई र उमेश थापा निर्वाचित भए । सह–महामन्त्रीमा प्रमिला गच्छदार, खड्ग फागो र बिनोदकुमार बस्नेत बिजयी भए ।

यसैबीच झिनोमतान्तरले पराजित भएपछि सभापतिका उम्मेद्वार घिमिरे पक्षले पुनः मतगणना गर्नुपर्ने माग गरेको छ । उनीहरुले मतगणना स्थलमा नाराबाजी पनि गरेका छन् ।

कसले कति मत पाए ?

सभापति : 

१.उद्दव थापा – ८४४

२.गुरुराज घिमिरे -८४२

उपसभापति :

१.गोबिन्द प्रसाद ढुंगाना ( केदार ) -७६५

२.टंक प्रसाद राई -८४७

३.रमेशजंग रायमाझी -८९१

४.बिश्वनाथ रिजाल ( त्रिलोचन ) -६६९

महामन्त्री :

१.उमेश थापा -८२३

२.दिपनकुमार श्रेष्ठ -७६४

३.पदम सुन्दर पालुङ्गवा- ८०७

४.भुपेन्द्र राई -८२४

सह-महामन्त्री :

१.प्रमिला गछदार -८३७

२.सीता कार्की-७३३

सह-महामन्त्री :

१.खड्ग फागो -१०२६

२.रोहित कुमार शाह -६६५

३.बिनोद कुमार बस्नेत -७४७

४.विरकाजी राई -६४७

५.शुभचन्द्र राई -८४