विराटनगर । ‘कमेडी च्याम्पियन’ सिजन २ को विजेता भरतमणि पौडेलले भएका छन् । शनिबार राती भएको ग्राण्ड फिनालेमा ताप्लेजुङका पौडेलले सबैभन्दा बढी भोट पाएर ‘कमेडी च्याम्पियन २’ को उपाधि जितेका हुन् ।
Advertisement
पौडेलले डाट्सनको कार र २५ लाख रुपैयाँ पुरस्कार जितेका छन् । यस्तै फस्ट रनरअप बिक्की अग्रवाल बनेका छन् , उनले टीभीएस अपाचेको मोटरसाइकल प्राप्त गरे । त्यस्तैगरी सेकेन्ड रनरअप सन्तोष थापा भए । उनले स्कुटर प्राप्त गरे ।
भरतमणिले पूर्व सञ्चारमन्त्री गोकुल बास्कोटाको क्यारिकेचर र पूर्व युवराज पारस शाहको गेटअपमा प्रस्तुती दिएपछि निक्कै चर्चा कमाए । पूर्व युवराज शाहको गेटअपमा क्यारिकेचर गर्दै गरेको प्रस्ततीबाट निकै तारिफ पाए र उनी ‘कमेडी च्याम्पियन’ मा सात पटकसम्म ‘पर्फर्मर अफ द राउण्ड’ बनेका थिए ।
