इलाम । इलामको देउमाई नगरपालिका–५ बारुङमा आज झारफुक गर्ने क्रममा टोकेर श्रीमती र छोरीको हत्या गरेको आरोपमा एक जना पक्राउ परेका छन् । पक्राउ पर्नेमा ३३ बर्षीय कमल तामाङ छन् ।
Advertisement
बिहान ६ बजे तामाङले आफ्नै घरभित्र परिवारका सदस्यहरु राखेका धामी बसेका थिए । झारफुक गर्ने क्रममा उनले श्रीमती ३४ बर्षीया सीता तामाङ र १६ बर्षीया छोरी शिक्षाको घाँटी र शरीरका विभिन्न भागमा टोक्दा उनीहरुको मृत्यु भएको हो ।
घटनाको जानकारी पाएपछि अस्थाई प्रहरी चौकी गजुरमुखीधामबाट खटिएको टोलीले तामाङलाई पक्राउ गरेको हो । घटना बारेमा थप अनुसन्धान भइरहेको प्रहरीले जनाएको छ ।
