इटहरी । इटहरीमा शनिवार बिहान बम फेला परेको छ । इटहरी उपमहानगरपालिका–२ स्थित अन्नपूर्ण मार्गमा बिहान करिब ८ बजे ग्रिनेड बम फेला परेको हो ।
अन्नपूर्ण मार्गको सडक निर्माणका लागि निर्माण सामाग्रि राखिएको ठाउँमा बम फेला परेको इलाका प्रहरी कार्यालय इटहरीका प्रहरी निरीक्षक केशव कटुवालले जानकारी दिए । एक बालकले बम फेला पारेपछि स्थानीयले इलाका प्रहरी कार्यालयमा खबर गरेका थिए ।
Advertisement
घटनास्थल पुगेको प्रहरीले इटहरीस्थित सेनाको बम डिस्पोजल टोलीलाई खबर गर्यो । सेनाको टोली आएर बम डिस्पोज गरेको छ । चेकजाँच गर्दा गे्रनेड बम रहेको खुलेको प्रहरी निरीक्षक कटुवालले बताए ।
बम कसले किन राख्यो भन्ने खुलेको छैन, प्रहरीले यो बिषयमा अनुसन्धान गरिरहेको छ ।
