विराटनगर । विराटनगरमा सर्वसाधारणलाई दुःख र हैरानी दिएको भन्दै दुई जना विचौलीयालाई प्रहरीले पक्राउ गरेको छ । पक्राउ पर्नेमा विराटनगर महानगरपालिका–८ अमरटोलका १८ बर्षीय प्रधुम्न राय र २३ बर्षीय आनन्द कुमार साह छन् ।
Advertisement
उनीहरुले विराटनगरका विभिन्न अस्पतालहरूमा उपचारका लागि आएका बिरामी तथा बिरामीका आफन्तलाई भेटेर ‘यहाँ डक्टर राम्रो छैन, यो अस्पतालमा कोरोना धेरै छ, उपचार राम्रो छैन’ भन्दै झुक्याएर अन्य अस्पताल लैजाने गरेको प्रहरीको भनाई छ ।
उनीहरुले बिरामीलाई आफ्नो सम्पर्कमा भएका अस्पताल वा क्लिनिकमा उपचारका लागि प्रेरित गर्ने र सम्पर्कमा भएका फार्मेसीमा औषधी किन्न बाध्य गराउने सूचना पाएपछि जिल्ला प्रहरी कार्यालय र १ नम्बर प्रदेश प्रहरी कार्यालयको आरआइटी समूहले उनीहरुलाई पक्राउ गरेको हो ।
पक्राउ परेका दुबै जनाको विषयमा थप अनसन्धान भइरहेको प्रहरीले जनाएको छ । साथै यस्ता किसिमका व्यवहारबाट कोही पीडित भएमा प्रहरीलाई खबर गर्नसमेत जिल्ला प्रहरी कार्यालयले अनुरोध गरेको छ ।
