सुनसरी । सुनसरीको बर्जु गाउँपालिका–२ मा साइकलसँग मोटरसाइकल ठोक्किदा मोटरसाइकल चालकको मृत्यु भएको छ । हिजो दिउँसो करिब ३ बजे को.२१ प ९४४६ नम्वरको मोटरसाइकल बर्जु–१ का ४५ बर्षीय चमरु ऋषिदेवले कुदाइरहेको साईकललाई ठोक्किएको हो ।
दुर्घटनामा परी मोटरसाइकल चालक बर्जु–६ का २२ बर्षीय रंजित चौधरीको मृत्यु भएको हो । दुर्घटनामा मोटरसाइकल चालक चौधरी र साइकल चालक ऋषिदेव घाइते भएका थिए ।
Advertisement
विराटनगरस्थित नोबेल शिक्षण अस्पतालमा उपचारका क्रममा मोटरसाइकल चालक चौधरीको मृत्यु भएको इलाका प्रहरी कार्यालय दुहबीले जनाएको छ ।
