संखुवासभा । संखुवासभामा छिमेकीले कुटपिट गर्दा एक जनाको मृत्यु भएको छ । खाँदबारी नगरपालिका–११ का २७ बर्षीय जीवन दर्जीले कुटपिट गर्दा सोही स्थानका ३० बर्षीय चन्द्र बहादुर दर्जीको मृत्यु भएको हो ।
Advertisement
आइतबार मादक पदार्थ सेवन गरेका जीवन र चन्द्र बहादुरबिच झगडा भएको थियो । एक आपसमा झगडा हुँदा जीवनको कुटाईबाट चन्द्र बहादुर बिरामी परेका थिए ।
जिल्ला अस्पताल संखुवासभामा उपचारका क्रममा सोमबार चन्द्र बहादुरको मृत्यु भएको हो । उनको मृत्यु भएपछि जिल्ला प्रहरी कार्यालय संखुवासभाले जीवनलाई पक्राउ गरेर थप अनुसन्धान गरिरहेको जनाएको छ ।
