उदयपुर । उदयपुरको उदयपुरगढी गाउँपालिका–७ अँधेरी जोगी टोलमा गएराती नेपाल प्रहरीको ट्रक दुर्घटना हुँदा २४ जना प्रहरी घाइते भएका छन् । कटारीबाट गाईघाटतर्फ आउँदै गरेको बा १ ग २१६८ नम्बरको वान टन ट्रक राती करिब ९ बजे दुर्घटना भएको हो ।
नेपाली काँग्रेसको १४ औं महाधिवेशनको प्रदेश अधिवेशनको ड्यूटीमा गएर कटारीबाट गाईघाट फर्कने क्रममा ट्रक दुर्घटनामा परेको जिल्ला प्रहरी कार्यालय उदयपुरका प्रहरी प्रवक्ता डिएसपी बेदप्रसाद गौतमले जानकारी दिए । उनका अनुसार दुर्घटनामा परी प्रहरी जवानदेखि असाईसम्म घाइते छन् ।
Advertisement
विराटनगरस्थित नोबेल शिक्षण अस्पतालमा उनीहरुको उपचार भइरहेको छ । घाइतेमध्ये दुई जनाको अवस्था गम्भीर छ । वाँकी घाइतेको अवस्था सामान्य रहेको उपचारमा खटिएका नोबेल अस्पतालका बरिष्ठ न्यूरो सर्जन डा.प्रकाश काफ्लेले जानकारी दिए ।
ओरालो सडकमा ब्रेक फेल भएर गाडी दुर्घटना भएको प्रहरीले जनाएको छ ।
