मोरङ । मोरङको रंगेलीमा आज दिउँसो दुई युवालाई खोलाले बगाएको छ । रंगेली नगरपालिका–७ स्थित बक्राह खोलामा नुहाउन गएका भारत मध्यापुरा सिंहेश्वरथानका २१ बर्षीय बिटु कुमार साह र १८ बर्षीय राजा शाहलाई खोलाले बगाएको हो ।
उनीहरु रंगेली–६ स्थित भन्सार टोलका सुरेश साहको घरमा पाहुना आएका बेला नुहाउँन खोलामा गएका हुन् । दुबै जनालाई दिउँसो करिब साढे १२ बजे खोलाले बगाएर बेपत्ता बनाएको थियो ।
Advertisement
घटनाको जानकारी पाएपछि ईलाका प्रहरी कार्यालय रंगेलीबाट गएको प्रहरी टोली र स्थानीयबासीले खोजतलास गर्दा खोलामा डुविरहेको अवस्थामा बिटु भेटिए । उनलाई उपचारका लागि रंगेली अस्पताल पुर्याइएको भएपनि चिकित्सकले मृत घोषित गरेका छन् ।
यता, खोलाले बगाएर बेपत्ता भएका राजा भने भेटिएका छैनन । उनको खोजी भइरहेको इलाका प्रहरी कार्यालय रंगेलीले जनाएको छ ।
