धनकुटा । धनकुटा नगरपालिका–६ फोक्लेण्डटापुस्थित कोशी राजमार्गमा आज दिउँसो बसले मोटरसाइकललाई ठक्कर दिँदा एक जना गम्भीर घाइते भएका छन् । संखुवासभाको खाँदवारीबाट मोरङको बेलबारी जाँदै गरेको प्र.१–०२–०४१ प ९४०९ नम्बरको मोटरसाइकललाई सोहि दिसातर्फ जादै गरेको को.१ख ७२४० नम्बरको बसले ठक्कर दिएको हो ।
Advertisement
बसको ठक्करबाट मोटरसाइकलको पछाडि सवार मोरङको बेलबारी नगरपालिका–८ का ४० बर्षीय हरी प्रसाद भट्टराई गम्भीर घाइते भएका छन् । उनलाई उपचारका लागि धनकुटा जिल्ला अस्पताल पुर्याइएको भएपनि त्यहाँ उपचार हुँन नसकेपछि थप उपचारका लागि धरानस्थित बीपी कोइराला स्वास्थ्य विज्ञान प्रतिष्ठान पठाइएको धनकुटाका प्रहरी प्रमुख नकुल पोखरेलले जानकारी दिए ।
घाइते हरीप्रसादको अवस्था चिन्ताजनक छ । मोटरसाइकल चालक ४२ बर्षीय तुलसी प्रसाद भटराईको अवस्था सामान्य छ । उनीहरु दाजु–भाई हुन् । दुर्घटनापछि मोटरसाइकल, बस र बस चालक भोजपुरको बोखिम गाउँपालिका–८ का ३४ बर्षीय नबराज खत्रीलाई प्रहरीले नियन्त्रणमा लिएको छ ।
