झापा । झापाको भद्रपुर नगरपालिका–१० देउनियामा जंगली हात्तीले सुडले च्यापेर बेपत्ता बनाएकी एक महिला मृत अवस्थामा फेला परेकी छन् ।
बिर्तामोड नगरपालिका–८ नेपाल चोककी ५० बर्षीया लतुमाई मर्डी मृत फेला परेकी हुन् । बिहिबार दिउँसो १२ बजे श्रीमानसँग निगुरो टिपिरहेका बेला उनलाई जंगली हात्तीले सुडले च्यापेर लगेको थियो ।
Advertisement
घटनापछि अस्थाई प्रहरी चौकी गरामनीको प्रहरी टोली, नेपाली सेना, सशस्त्र प्रहरी र स्थानीयबासीले उनको खोजी गरेका थिए । खोजतलासका क्रममा बिहिबार बेलुका ५ बजे सोही वनको सेति खोलाको पैनीमा उनको शव फेला परेको प्रहरीले जनाएको छ ।
