धनकुटा । धनकुटा नगरपालिका–५ स्थित विहिवारे हटियामा दुई सय बर्ष भन्दा अघिदेखिका सल्लाका रुख ढल्ने जोखिम बढेपछि नेपाली सेनाले रुख काटेर पन्साएको छ । रुख ढलेर हटियामा दुर्घटना हुँने जोखिम भएपछि सल्लेरीस्थित बरखगणको सेनाको टोलीले दुई वटा रुख काटेर पन्साएको हो ।
Advertisement
वुढो रुख आफै ढलेर अर्को रुखमा अड्किएपछि सो क्षेत्रमा आवत जावतमा जोखिम भएको थियो । रुखले मानबीय दुर्घटना निम्तिनसक्ने जोखिम भएपछि जिल्ला विपत व्यवस्थापन समितिले रुख पन्साउँन समन्वय गरेको हो ।
रुख पन्साउँने क्रममा ढलेर लाग्दा स्थानीय सीता राई र लोका रिजालको घरमा क्षति पुगेको छ । घर भत्किदा दुवै परिवारको १० लाख भन्दा वढीको क्षति भएको अनुमान गरिएको छ ।
रुख ढाल्ने क्रममा मान्छेहरु हटाइएकाले मानबीय क्षति भने भएको छैन । तर, घरमा भने पूर्ण रुपमा क्षति पुगेको छ । उनीहरुलाई रेडक्रसले त्रिपाल लगायत सामाग्री प्रदान गरेको छ ।
