बसको ठक्करबाट साइकल यात्रीको मृत्यु

विराटनगर । मोरङको बुढिगंगा गाउँपालिका–१ शान्ती चौकस्थित कोशी लोकमार्गमा बसको ठक्करबाट साइकल यात्रीको मृत्यु भएको छ । मृत्यु हुनेमा बेलबारी नगरपालिका–८ डागिहाटका ५१ बर्षीय देबेन्द्र पन्त छन् ।

विहिबार साँझ सवा ६ बजे विराटनगर आउँदै गरेको को १ ख ७५४८ नम्बरको बसले सोही दिशातर्फ जाँदै गरेको साइकललाई पछाडिबाट ठक्कर दिएको थियो । बसको ठक्करबाट पन्त गंभीर घाइते भएका थिए । कोशी अस्पतालमा उपचारका क्रममा उनको मृत्यु भएको जिल्ला प्रहरी कार्यालय मोरङले जनाएको छ ।

Advertisement

बस र चालक सुनसरीको रामधुनी नगरपालिका–५ का ५३ बर्षीय शिब बहादुर पौडेललाई प्रहरीले नियन्त्रणमा लिएको छ ।