मोरङ । मोरङको बुढीगंगा गाउँपालिका–२ टंकिसिनवारीमा आज एटीएम तोडफोड गरेको आरोपमा दुई जना पक्राउ परेका छन् । पक्राउ पर्नेमा सुनसरीको दुहवी नगरपालिका–९ का २४ बर्षीय मोहम्मद ईम्तियाज र २५ बर्षीय मोहम्मद अनिष हुसेन छन् ।
Advertisement
टंकिसिनवारीस्थित एनआइसी एसिया बैंकको एटीएम बुथमा बिहान पौने ३ बजे तोडफोड गरिरहेको अवस्थामा जिल्ला प्रहरी कार्यालय मोरङबाट खटिएको टोलीले उनीहरुलाई पक्राउ गरेको हो । बिभिन्न हाते औजारहरु प्रयोग गरेर उनीहरुले एटीएम तोडफोड गरिरहेका थिए ।
हाते औजारसहित पक्राउ परेका उनीहरुविरुद्ध चोरी उद्योग कसूरमा थप अनुसन्धान भइरहेको प्रहरीले जनाएको छ ।
