झापा । झापाका एक पुरुषको हत्या गरेको आरोपमा प्रहरीले दुई जनालाई पक्राउ गरेको छ । पक्राउ पर्नेमा मेचीनगर नगरपालिका–९ का ४७ बर्षीय बुधलाल किसान र २८ बर्षीय भयङ्कर भनिने भुखन किसान छन् ।
Advertisement
शुक्रबार आफ्नै घर अगाडि स्थानीय ४२ बर्षीय पुलिस भनिने पर्शुराम गौतम मृत अवस्थामा फेला परेका थिए । गौतमको शरीरमा निल डाम र चोटपटक देखिएको थियो । उनको हत्या भएको हुन सक्ने आशंकामा जिल्ला प्रहरी कार्यालय झापाले अनुसन्धान गरिरहेको थियो । सोही क्रममा हत्या आरोपमा दुई जना पक्राउ परेका हुन् ।
पक्राउ परेका दुबै जनाले घटनामा आफ्नो संलग्नता रहेको साबिती बयान दिएका छन् । साथै घटनामा प्रयोग गरिएको फलामको रिम र घटना भएको समयमा उनीहरुले लगाएका कपडासमेत प्रहरीले बरामद गरेको छ ।
