सुनसरी । सुनसरीको हरिनगरमा प्रहरीको नाममा एक युवाले स्थानीय व्यापारीबाट रकम असुली गरेको पाईएको छ । सादा पोशाकको प्रहरी हुँ भन्दै हरिनगर गाउँपालिका–५ का २३ बर्षीय असरार अहमद मियाले रकम असुली गरेको पाईएको हो ।
मियाले हरिनगर गाउँपालिका–२ का व्यापारीहरुलाई डर त्रास देखाई गैरकानूनी रुपमा रकम असुली गरेका हुन् । घटनाको जानकारी पाएपछि प्रहरी चौकी भुटाहाबाट गएको प्रहरी टोलीले उनलाई पक्राउ गरेको हो ।
Advertisement
प्रहरीको बदनाम गरी स्थानीय व्यापारीहरुसँग गैरकानूनी रुपमा रकम असुली गरेको पाईएकाले मियालाई नियन्त्रणमा लिएर कारवाही प्रकृया अघि बढाईएको प्रहरीले जनाएको छ ।
