
सुनसरी । सुनसरीको दुहवीमा आज राहत वितरणका बिषयमा झडप हुँदा करिव एक दर्जन व्यक्ति घाइते भएका छन् । दुहवी–९ छाताबेलीमा राहत वितरणको नामावली संकलनका क्रममा झडप भएको इलाका प्रहरी कार्यालय दुहवीले जनाएको छ ।
प्रहरीका अनुसार नामावली संकलनका क्रममा नाम छुटेको बिषयमा उत्पन्न बिवादपछि स्थानीयवीच झडप भएको हो ।
झडप छुट्याउँने क्रममा एक प्रहरीलाई समेत चोट लागेको छ । झडपका क्रममा घाइते भएकाहरुको स्थानीय स्वास्थ्य सस्थामा उपचार भईरहेको छ ।















