धनकुटा । धनकुटाको चौबिसे गाउँपालिका–८ स्थित एसपीमोडमा आज टेलर पल्टिँदा सह–चालकको मृत्यु भएको छ । स्काभेटर बोकेर भेडेटारबाट छ नम्बर बुधबारे तर्फ जाँदै गरेको ना.७ ख.७९१७ नम्बरको टेलर बिहान करिव साँढे १० बजे पल्टिँदा टेलर सह–चालक ईटहरी–४ का ३० बर्षीय राजकुमार राईको मृत्यु भएको हो ।
Advertisement
कच्ची सडकमा घुम्ती मोड्ने क्रममा अनियन्त्रित भई टेलर पल्टिँदा किचिएर राईको मृत्यु भएको धनकुटाका प्रहरी प्रमुख एवं प्रहरी उपरीक्षक सुदर्शन कोईरालाले जानकारी दिए ।
टेलर पल्टिएर सडक ढाकेपछि साे सडक खण्डमा सवारी साधन एकतर्फी मात्र आवत–जावत भईरहेका छन् । गाडी हटाएर सडक खुलाउँने प्रयास भईरहेको धनकुटाका ट्राफिक प्रहरी दिपक खड्काले बताए ।
घटनापछि संखुवासभाको धर्मदेवी नगरपालिका–९ का ३१ बर्षीय टेलर चालक बिन्दुराज महतलाई ईलाका प्रहरी कार्यालय राजारानीले नियन्त्रणमा लिएको छ ।
